واحد متجوز وقاعد في البيت وبيبص كتير في عقد الزواج، مراته قالت له:
بتبص في عقد الزواج ليه يا حبيبي؟" قالها: "مش عارف يا حياتي المأذون
كتب تاريخ انتهاء العقد فين
واحد سكران اتصل على مصر للطيران بيسأل الرحله من القاهره للندن هاتخد اد ايه
فرد عليه الاستعلامات وقاله: ثانيه واحده قاله السكران طب
اتنين مساجين اتفقوا يكسروا باب السجن ويقتلوا الحارس ويهربوا. كسروا باب السجن ملقوش الحارس قعدوا يستنوه
مرة اثنين عندهم كلاب صيد
صاحب الكلب الاول أول ما يضرب طلقة من الندقية
يجرى الكلب ويروح يجيب الفريسة
والثانى أول ما يضرب الطلقة كلبه يكّش
فنصحة صاحبة انه يروح أفراح في الارياف، فالكلب هيتعود على صوت الرصاص
راح الارياف وفضل يحضر فى افراح لمدة 6 شهور
وبعدين رجع يصطاد، راح ضارب طلقة من البندقية
راح الكلب وقف على رجله وقعد يزغرط
واحد قاعد في خمارة لقى اتنين مساطيل بيكلموا بعض
- انت ساكن فين
- في مدينة نصر
- معقولة؟ وانا كمان .. فين في مدينة نصر؟
- في المنطقة الأولى شارع النصر
- الله وأنا كمان، في عمارة كام؟
- شقة 35
- لأ مش ممكن ، وانا كمان
الراجل هيتجنن، سأل الجرسون ايه الحكاية؟
- متاخدش ف بالك دول واحد وأبوه بيسكروا هنا كل يوم
واحد نشر في إعلانات مبوبة :مطلوب زوجة!!! تاني يوم جاله 100 جواب
فيهم نفس الرد: تاخد بتاعتي؟؟
جماعة حشاشين قاعدين في غرزة قالوا عايزين كبريت واحد منهم قال أنا اجيبلكم الكبريت طلع ودخل من الباب الثاني قال يا جماعة ألاقى عندكم كبريت قالوله استريح لسه باعتين واحد أول ما يرجع نديلك واحد.
واحد راح يشتري بيتزا فالراجل بتاع البيتزا بيقوله : اقطعه اك أربع قطع ولا تمانية يابيه ؟؟؟؟ ..قام قال له ثمانية .. عشان جعان قوى
واحد سكران كان بيعاكس وحدة وحشة اوي بالليل
فكان بيقول لها يا وحشة يا وحشة
راحت ملتفتة ليه وقالت له يا سكران
راح قايل لها طب انا سكران حفوق بكرة .. وانتي
الابن: بتعمل اية يابا؟؟
الاب: بكتب جواب لعمك
الابن: هو انت بتعرف تكتب؟؟
الاب: يعني هو عمك اللي بيعرف يقرا يا فالح
فيه واحد غبي قاعد يصلي وسمع اثنين بيشكروا ف صلاته، قطع الصلاة والتفت وقالهم: وكمان صايم
واحد قاعد في أمان الله بيقرا الجرنان، وفجأة جت مراته وضربته بغطا
الحلة فوق دماغه .. طرررررخ!!! الزوج: "فيه ايه يا بنت الحلال؟ ليه
كدا؟؟؟" الزوجه:"ايه الورقه اللي في جيب بدلتك ومكتوب عليها "سوسو"؟؟"
الزوج: "يا بنت الحلال، ده أسم الحصان اللى بنشجعه في السباق!" الزوجه
صدقته وراحت لحالها... بعد اسبوع، الزوج قاعد في أمان الله يقرا
الجرنان، وفجأة جت مراته وضربته بغطا الحلة على راسه !! الزوج: "خير
يابنت الحلال في ايه تاني؟؟" الزوجه:"حصانك على التليفون
..!!"
وحده جوزها من اسبوعين مرجعش البيت
فأخذت ابنها الصغير وراحت قسم البوليس علشان تبلغ
فقال لها الضابط اعطيني مواصفات جوزك
فقالت: أبيض ..طويل ..عيونه خضر ..أشقر ..أمور !!!
قام ابنها قطع عليها الكلام ( يا ماما ده مش بابا )
فقالته اسكت..ممكن يجيبو واحد أحلى منه
واحد مسطول ماشى فى الشارع لقى عمود نور مكتوب عليه شقة للايجار راح قعد يخبط على العمود لغاية لما جاله مسطول تانى قال له انت بتعمل ايه هنا قال له اصلى لقيت مكتوب شقة للايجار قمت قعدت اخبط بس محدش رد علىّ قام التانى قال له غريبة مع ان الجماعة منورين النور فوق
مدير شركه سجائر مستورده قابل مدير شركه سجائر محليه فقال له ، انا مره لقيت فى السجاره بتاعتكم خشبه ....انتم بتستوردوا التبغ بتاعكم منين ...فرد عليه مدير الشركه متعجبا .....يعنى ايه تبغ!!!!!؟؟؟؟؟؟
ولد جاب لأمه دوا يرجع الشباب
ياماما أنا جبت لك دوا تاخذي ملعقة وحدة ترجعي عشر سنين لورى و أبويا مايبص لوحدة غيرك أبدا
الولد دخل لأمه تاني يوم وقال لها يا ماما شكلك حلوه ايه الحلاوة دي
ومين الولد الصغير إلي جالس على حجرك داه ؟؟
راحت قالت دا أبوك شرب الدوا كله
واحد كسلان اتحكم عليه بالإعدام بدفنه في حفره
فقالوا له نفسك في أيه قبل الموت
قال نفسي أشرب قالوا له قوم أشرب
قال لسه حقوم اردم ياجدع
مره واحد بيقول لمراته انا بحب فيتراك اوى قالت له وانا بحب سمير اوى قالها ياوليه فيتراك ده مربى قالت وسمير ده عسل
واحد بخيل سألوه تعمل ايه لو الدنيا برد
قال : اقرب من الدفاية
: طب لو الدنيا بردت اكتر
قال : اقرب شوية من الدفاية
قالولو : طب لو الدنيا برد موت
قال : ساعتها اشغل الدفاية
واحد طويل شرب لبن مات ليه؟؟؟؟؟؟؟؟؟؟؟؟؟؟ عشان صلاحيته انتهت قبل ما يوصل بطنه
واحد بيقول لمراته ... انا النهاردة عايز رومانسية فى البيت ... راحت
الزوجة سألت امها : يعنى ايه رومانسية ؟؟ الام : مش عارفة بس احتياطى
إنقعى الرز
سواق ماشى ع الطريق واحد لابس احمر فى احمر شاورلة فوقف السواق و قالة انت مين و عايز اية قالة انا الفرفور
الاحمر و عايز توصلنى فقالة لا مبوصلش فرافير و مشى و سابة شوية لقى واحد لابس اصفر فى اصفر و بيشاورلة فوقف
و قالة انت مين و عايز اية قالة انا الفرفور الاصفر و عايزك توصلنى فقالة لا مبركبش فرافير و مشى و سابة شوية و
قابلة واحد لابس اخضر فى اخضر عمل معاة نفس الحكاية ف السواق سابة و مشى شو ية كمان كدة و لقى واحد لابس
ابيض فى ابيض بيشاورلة ف السواق وقف و قالة يا ترى انت بقى الفرفور الابيض فقالة الراجل فرفور اية رخصك يا روح امك
واحد ماشي في الصحراء شاف واحد قاعد علي صخره وبيعمل فوووووووووو فوووووووو ... سابه ومشي ... و شويه شاف واحد تاني قاعد علي صخره وبيعمل عن عن عن عن ...... سابه ومشي... و شوية شاف واحد قاعد على صخرة بس ساكت ، قال له قاعد كدا ليه ؟؟؟؟ ده في اتنين مجانين قاعدين يعملوا فوووووو وعن عن عن ورا ، راح قال له ايه دا هما قربه ؟؟ فووووووووووووووووووووووووووووووووو
ست ركبت اتوبيس وهى شايلة ابنها الصغير، جت تدفع التذكرة الكمسارى اتخض أول مابص للولد
وقال: اللهم احفظناانا عمرى ما شفت عيل وحش كدة، غطيه يا ست حرام عليكى!
الست زعلت قوى، وقعدت فى كرسيها تعيط بحرقة، الراجل اللى جنبها سألها: مالك يا مدام، بتعيطى ليه؟
الكمسارى ده ماعندوش دم، قل أدبه علي وانا خفت أرد عليه
تخافى تردى ليه؟ الاتوبيس ما فيهوش رجالة؟ردى عليه ولو فتح بقه بكلمة نخرشمه
عندك حق، أنا حأروح أبهدل كرامته
عداكى العيب، شيلينى النسناس بتاعك بقى علشان تعرفى تتخانقى براحتك
واحد قالو له الحق مراتك قاعدة مع صاحبك في البستان
راح جاري ورجع على طول وقال لهم هم شجرتين عملتوهم بستان
والراجل طلع لا صاحبي ولا اعرفو
واحده وحشه بتقول لجوزها بكره عيد ميلادى . قالها هنقف دقيقتين حداد
واحد دماغه مليانه حشرات راح للدكتور قاله يادكتور عاوز اطّلع الحشرات اللى فى راسى... قاله افتح المروحه على الاخر واقعد ادمها هيطير منك الحشرات ، عمل كده وبعدين نام وصحى سمع صوت الحشرات بيقول امبارح كان فيه عاصفه لكن محدش مننا مات ... راح تانى للدكتور قاله منفعش الحل ده ، الدكتور قاله خلاص اركب عربيه واطلع على اخر سرعه وطلع دماغك من الشباك ...عمل كده وهو مروح من عند الدكتور وروح نام وصحى سمعهم بيقولوا امبارح حصل عاصفه شديده قوى ومافيش حد مات .... قام رايح للدكتور تانى وقاله الحل منفعش انا عاوز اخلص بقى .... قاله مفيش الاّ حل واحد ، تعد جمب واحد وتحط راسك فى راسه... و الحشرات هتروح منك .... ام راح عمل كده ونام وصحى الصبح سمعهم بيقولوا امبارح كان فى حرب جامدة مع قبيله تانية لكن محدش مننا مات ، واسرنا 500 من القبيلة التانية
مره واحده بتقول لجوزها "تصدق إن أنا كل يوم بحلم بيوم جوازنا" قالها
هى لسه الكوابيس دى بتجيلك؟"
جماعة اغبية عملوا أتوبيس يمشى بالعرض .... عشان يركبون كلهم قدام
مرة حماة أرادت اختباره اجواز بناتها فاخذت الأول
وعملت نفسها اتزحلقت
في البحر فنزل وراها وانقذها ، تانى يوم وجد عربية بيجو ومكتوب عليها
هدية من حماتك" وفعلت نفس الشئ مع الثانى فاحضر لها الاسعاف ووجد فى
تانى يوم عربية بيجو ونفس الرسالة، أما الثالث فسبها تغرق ، ففى اليوم
التالى وجد عربية مرسيدس ومكتوب عليها "هدية من حماك"
مرة واحد قال لصاحبه "عاوز أعمل لمراتي مفاجأة فى عيد جوازنا" صاحبه
قالوا "هتعمل إيه؟" قالوا "هوديها الصين" قالوا "يا راجل فى عيد
جوازكوا العاشر توديها الصين، أومال فى عيد جوازكوا الخمسة وعشرين
هتعمل ايه؟" فقالوا "هروح اخدها"
واحد غبى عنده ارق ومش عارف ينام....قال له صاحبه عندي لك طريقة للنوم مؤكدة...عد من واحد الى 500 .......... فمكدبش خبر... وأول ما الدنيا ليلت راح للسرير وبدأ يعد .. واحد .. اثنين .. ولما وصـل للــــ 199 ... جـاه النوم … راح قـيام بسرعة وغـسـل وشه ورجــع للـسـريـر يـكـمـل الـعـد
مرة واحد عصبي اتجوز وحدة عصبية الدكتور جاى ينزل الولد قاله اوعى
ياعم انا نازل لوحدى
مرة كلب جاتلة ذبحة صدرية علشان كان بيهوهو على واحد اطرش
قائد جيش بيقول لجنوده ... العدو من امامنا ومن خلفنا وعلى يميننا وعلى يسارنا ... يبقى مش هيفلت مننا المره دى
واحد مشغول اتجوز واحدة مشغولة
خلفوا ...عيل مش فاضيلهم
أغبيه راحو يلعبو بلياردو، واحد منهم وقف فوق الطرابيزة وقال لهم انا الجوووووون
مرة دكتور دخل عنبر فى سراية المجانين لقى واحد بيخبط دماغة فى الحيطة
سأل الممرضة ماله ده ؟ قالت أصله كان بيحب واحدة ومتجوزهاش ..دخل
العنبر الى بعده لقى واحد بيضرب نفسة بالشبشب قالها وده ماله قالتله
اصل ده الى اتجوزها
واحدة حامل فى ثلاث توائم
يوم الولادة الدكتور بيطلع العيل الأول لقاه نايم وساكت قعد يضريه على وشه حتى صرخ الطفل ركنه على جنب
وطلع الطفل الثانى لقاح زى أخوه قعد يضربه لما فاق وركنه
جه الدكتور يدور على الطفل الثالث مش لاقيه راح ماشى وقال للممرضة كملى لأنهم اثنين بس
الممرضة جت تكمل لقت الطفل الثالث طالع براسه بالراحة وبيسألها
هو الراجل اللى بيضرب العيال مشى ولا لسة
ثعبان قابل ثعبان لقاه بيعيط قالوا انت بتعيط ليه رد اصلي انا نظري ضعيف قالو بسيطه ركب عدسات وبعد يومين وهو
معدي لقاه بيعيط تاني قالو انت بتعيط ليه رد اصلي اكتشفت ان اللي بحبها من عشرين سنه طلعت خرطوم
طفل في حضانة قال لزميلته تتجوزينى؟؟
بصت له بأستحقار و قالت له أنا مبحبش العيال
فقالها و أنا كمان مش مستعجل عليهم
مرة واحد غبى واقف في الشارع و بيتكلم في المحمول و عمال يزعق و يقول: بس دوري تاني ، دوري كويس
واحد معدي في الشارع جه قال له: في إيه ؟؟
راح واخد المحمول منه وبيسمع ... لقى .... (الرقم الذي طلبته غير موجود في الخدمة)!!!!
اتنين قاعدين بيحششوا فوق السطوح
الاول: الحق يا منير ابوك مات .. ، راح شدله حجرين وقعد يعيط
بعد شوية الحق يا منير امك ماتت ... ، راح شدله حجرين تانى وقعد يعيط
شويه يا منير الحق اخوك مات
راح حادف الشيشة من ايده ووقف علي سور البلكونة و قال :لا ده هو اللي فاضلي ورمي نفسه
وهو في الدور السابع افتكر انه مقطوع من شجرة ...وفي الدور التاني افتكر انه ماسموش منير أصلاً :lol!:
هههههههههههههههههههههههههههههههههه حلوين صح :lol!:
اللى عايز تانى يرد
الرئيسية 
